Posts
Smile
October 24, 2006
If you smile when no one else is around, you really mean it
"Andy Rooney"
إنهم يذبحون الأشجار 93: شارع ممدوح سالم
6 months ago
تعبااااااااااااان
October 17, 2006
أنا عيااااااان وعندي برد وباتهم الجميلة ميوي والبوست بتاع البرد بتاعها إني اتعديت بعد ماقريته علاطووووووووووووووول ربنا يسامحك يامي ,,, عامة موضوعها رائع عن المرض البايخ اللي اسمه برد وياريت تقروه ، مش عارف أصلا ليه مسمينه بر مع إن حرارتي البارح عدت ال42 ؟؟؟
شافيز أجدع ناس
October 13, 2006
الرئيس الفانزويلي هيوجو شافيز والذي دعوته من قبل بالعربي الأصيل ، وكذلك دعاه الشيخ حسن نصرالله ، في إجتماع الجمعية العامة الأخيرة بالأمم المتحدة ووصلة من المواجهة الساخرة لبوش ووصفه بالشيطان ،، والله راجل إبن راجل وأجدع من أي عربي
James Blunt - Wisemen
October 10, 2006
من أفضل الأصوات الحالية التي تحلق بك إلى أحلام أخرى ، أغنية قمة الروعة ، في رأي على الأقل
ما الجنون ؟؟
ــ ما الجنون ؟؟
ــ بالضبط . سأجيبك دون غش: الجنون هو عجز الإنسان عن توصيل أفكاره. كما لو أنك في بلد أجنبي: ترين كل شيء، تدركين ما يجري حولك، لكنك عاجزة عن التعبير عن نفسك والحصول على العون ، لأنك لا تفهمين لغة البلد
ــ شعرنا جميعا بذلك يوما
ــ نحن جميعا مجانين، بطريقة أو بأخرى
من رواية " فيرونيكا تقرر الموت " لباولو كويلهو ... تستحق فعلا القراء خاصة لمنحرفي التفكير أمثالي !!؟؟
تسعة ولا ثمانية ياعم مالناش دعوة
October 09, 2006
علماء الفلك والفضاء في حيرة من أمرهم حول المجموعة الشمسية ، فريق بيقول إن المجموعة بقت ثمانية كواكب بس بعد ماتم تغيير معايير وتعريف الكوكب وبالتالي يلغى بولتو من كواكب المجموعة الشمسية لعدم انطباق التعريف عليه وتحوله من كوكب لكويكب أو كوكب قزم !!وفريق بيقول لا نكمل المجموعة لعدد 12 كوكب ونعلن انضمام كويكبات مكتشفة حديثا للمجموعة ؟؟ المواجهة بين الفريقين انتهت بفوز الفريق الأول وللأسف انتهى عصر بلوتو وسقط من مجموعتنا الشمسية سهواً !! المهم إن اللغط مازال دائر بين الفريقين لكن الكل متفق على حاجة عغلى الأقل وهي إن مجموعتنا الشمسية مش تسع كواكب خلاص ؟!! الفكرة بقه إن بعض الدول الأوروبية والخبراء يخيفهم في الأمر التأثير النفسي السلبي للقضية على الأطفال وكيف سنواجههم في الأمر ؟؟؟؟؟الموضوع قديم ومش جديد ذكرني بيه تدوينة عنه في غاية التميز والتنوع من مدونة مصــ(الخير)ـــعب لكن فكرت أسأل مدرس جار لينا بيدرس علوم عن رأيه في الأمر ، الراجل قال بكل عفوية : ماعنديش خبر عن موضوع بلوتو ومش بلوتو ده ، ثم تسعة ثمنية مش فارقة ياسيدي !! طب يااستاذ مش تبلغ التلامذة بالكشف العلمي ده ؟؟ قال : وأنا مال أمي ؟؟؟ مادام كتاب الوزارة بيقول تسعة يبقة هما تسعة !! معرفتش أقول غير : رحمتك يارب
مجرد ملاحظة رمضانية
October 04, 2006
غريب أمر العالم في رمضان ؟؟ الناس بتاكل فيه اكتر من غيره من أيام السنة بما فيها عيد الأضحى وخلافه من مناسبات ، الناس بترتكب فيه من الذنوب أكتر من أيام السنة كلها ، الناس على أعصابها وفي حالة تحفز دائم للعن أي دبانة تعدي قدامهم ساعة الصيام ، الناس بتتفرج على التلفزيون والعري فيه أكتر من أي وقت في السنة ؟؟ مش ده شهر العمل والعبادة ولا أنا غلطان في العنوان ؟؟؟؟
بجد حاجة تخلي الواحد ناغه تفرتك من التفكير والهذيان ، عامة مع كل ده وكل اللي بيعمله قطاع كبير من الناس في الشهر من ذنوب إلا إن أكتر حاجة بتخرجني من منطقي وتفكيري هو الشخص اللي يكون مش ملتزم ويجي رمضان وتلاقيه فجأة ربنا هداه ولما رمضان يخلص تلاقيه رجع انيل من الأول ؟؟؟ والبنات اللي الحجاب عندهم شهر في السنة ؟؟؟ بجد ماشفتش نفاق أكتر من ده ؟؟ اللهم إني صاااااااائم
